Ferganski doł
![](http://chped.net/https/upload.wikimedia.org/wikipedia/commons/thumb/9/95/Fergana_Valley_map-de.svg/220px-Fergana_Valley_map-de.svg.png)
Ferganski doł (uzbeksce Fargʻona vodiysi; kirgisce Фергана өрөөнү/Fergana öröönü; tadźikisce водии Фарғона/wodii Farghona; rusce Ферганская долина/Ferganskaja dolina) je husće wobsydlena dolina mjez horinami Tienšan a Alaj w srjedźnej Aziji. Přez wudolinu ćeče z wuchoda do zapada rěka Syrdarja, jedna z dweju najwjetšeju rěkow tutoho regiona.
W 300 kilometrow dołhim a hač do 110 kilometrow šěrokim dole bydli wjace hač dźesać milionow ludźi, štož wotpowěduje 20 % ludnosće cyłeje srjedźneje Azije. Politisce je Ferganski doł rozdźěleny mjez Uzbekistanom, Kirgiskej a Tadźikistanom. Ludnosć wobsteji z Uzbekow, Kirgizow, Tadźikow, Tatarow a wjacorych etniskich mjeńšinow. Wjetšina wobydlerstwa je muslimska.
Dolina je pomjenowana po měsće Fergana, dźensa uzbeksce Fargʻona.
Wotkaz[wobdźěłać | žórłowy tekst wobdźěłać]
![](http://chped.net/https/upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)