Hrubý Jeseník
![](http://chped.net/https/upload.wikimedia.org/wikipedia/commons/thumb/b/b6/Hrub%C3%BD_Jesen%C3%ADk%2C_pohled_z_Uhl%C3%AD%C5%99sk%C3%A9ho_vrchu.jpg/220px-Hrub%C3%BD_Jesen%C3%ADk%2C_pohled_z_Uhl%C3%AD%C5%99sk%C3%A9ho_vrchu.jpg)
Hrubý Jeseník (němsce Altvatergebirge, pólsce Wysoki Jesionik) je kónčina w horach Jeseníki. Namakamy je w sewjerowuchodnej Čěskej jako wuchodny dźěl hórskeho rjećaza Sudetow. Mjez druhim mjezuje tutón region na pólsku hranicu. Markantny dypk je najwyša hora Praděd z 1492 m n.n.
Jeseník je woblubowany cil turistow z najwšelakorišich krajow. Wopytarjo wuzwola sej rady tutu kónčinu, dokelž namakaja přez cyłe lěto tu dosć poskitkow za wočerstwjacy dowol a swobodny čas. Tak móža tu hač wosrjedź nalěća sněhakować. W lěću je Jeseník idealna ležownosć za kolesowanje a pučowanje.
Za wočerstwjenje, kuru abo lěkowanje wuzwola sej husto wopytowarjo centralne město Jeseníkí. Wysoko nad městom ležitej hojernja a lěkowanišćo. Moderna technika a stare tradicije wodownjeho lěkowanja so tu zwjazaja. Jako zakład słužeja ideje němskeho alternatiwneho, přirodneho lěkarja Vincenc von Prießnitz. Wón wužiwaše z połnym wuspěchom zymnowodowu metodu.
Wotkaz[wobdźěłać | žórłowy tekst wobdźěłać]
![](http://chped.net/https/upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)