Njewa
rusce Нева | |
![]() Rěčny běh mjez Ladogaskim jězorom a Baltiskim morjom | |
ćeče přez | Rusku (Leningradsku oblasć) |
žórło | z Ladogaskeho jězora (60° 48′ 58″ S, 31° 31′ 41″ W60.81611111111131.528055555556 ) |
wysokosć | 4 m |
wuliw | w Pětrohrodźe do Baltiskeho morja (59° 56′ 43″ S, 30° 10′ 15″ W59.94527777777830.170833333333Koordinaty: 59° 56′ 43″ S, 30° 10′ 15″ W ) |
wysokosć | 0 m |
rěčina | Wolchow |
dołhosć | 74 km |
přestrjeń rěčiny | 281.000 km² |
Njewa (rusce Нева) je 74 kilometrow dołha rěka, kotraž běži wot Ladogaskeho jězora do Baltiskeho morja, při čimž přeběži Pětrohród.
![](http://chped.net/https/upload.wikimedia.org/wikipedia/commons/thumb/6/64/Peter_%26_Paul_fortress_in_SPB_03.jpg/220px-Peter_%26_Paul_fortress_in_SPB_03.jpg)
Hačrunjež je Njewa sama poměrnje krótka rěka, ma wulke rěčnišćo wot 281.000 kwadratnych kilometrow, ke kotremuž płaćitej tež rěčnišći najwjetšeju jězorow Europy, Ladogaskeho a Onjegaskeho jězora, kaž tež jeju přitokow, kaž na přikład Wolchowa. Tohodla ma z 2.500 m³/s wjetši přerězny přeběh wody hač Ryn.
Rěka wuběži pola Šlisselburga z Ladogaskeho jězora a wuliwa so w zapadźe Pětrohroda z deltu do Njewskeho zaliwa, dźěla Finskeho zaliwa a z tym Baltiskeho morja.
W Pětrohrodźe wjedźe wósom ćahawych mostow přez Njewu, kotrež su w nocy wot dwěmaj do pjećich wočinjene, tak zo njejsu wěste měšćanske dźěle w tym času mjez sobu zwjazane.
Njewa je dźěl syće ruskich wódnych pućow a přez wšelakore kanale a jězory zwjazana z Běłym, Kaspiskim a Čornym morjom. Z tym hraje wulku rólu jako zwisk cyłeje europskeje Ruskeje z Baltiskim rumom a Atlantiskim oceanom.
Wotkaz[wobdźěłać | žórłowy tekst wobdźěłać]
![](http://chped.net/https/upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)